Shoo the Flu!
Fai lau flu jab ina ia mafai ona puipui ai lou aiga.
O le fai o lau flu jab o se tasi lea auala sili e tetee ese ai le flu.
Aisea e tatau ai ona fai sa’u flu jab?
O le flu e lē na o se faamaalili ua oso. E te matuā ono ma’i tigaina ai, ma e i ai nisi ua i’u ina taofia ai i le falema’i. E ono vave le pepesi o le flu, ae o le fai o lau flu jab e fesoasoani lea i le puipuia o lou aiga ma isi tagata lautele, e pei o tagata o lau ekalesia, fale faigaluega poo le aoga.
O ai e mafai ona fai lana flu jab?
E leai se totogi mo tagata e 65 tausaga ma luga atu, faapea ma tina ma’itaga ma fanau iti e 4 tausaga ma lalo ifo o loo taofia i falema’i i se ma’i e faalavelavea ai le mānava. E leai foi se totogi mo tagata uma o soo se tausaga, o aafia i ni faama’i e pei o le ma’i fatu, kanesa, ma’i suka, ma’i sela tuga ma isi gasegase tuga o le mafaufau ma ni masaniga lē lelei ua puleaina ai.
