B4 School Check: Faamatalaga mo Matua ma Tagata ua Faatulafonoina e Vaaia Tamaiti

Atoa le 4? Faia fua lau B4 School Check!

O le ā le B4 School Check?

O le B4 School Check o se auaunaga e maua fua mo tamaiti uma i le va o le 4 i le 5 tausaga le matutua i Niu Sila, ma o le siaki mulimuli lea e faia mo le polokalame o le Well Child.

E lelei le vave fai o le B4 School Check a lou alo pe a atoa le 4 o ona tausaga.

O le Siaki o se avanoa tou te talanoa ai ma se tausimai i tulaga o le malosi a lou alo ma
faatalanoa mea e tāua ia te oe – ma e te lē totogia se tupe. E siaki ai foi le vaai ma le
faalogo a lou alo.

A uma le siaki, ona tuuina atu lea ia te oe o se kopi o iuga o siaki na fai.

O ā mea e fai i le B4 School Check?

O le a talosagaina oe e tali fesili e uiga i le tuputupu a‘e o lou alo ma le soifua manuia.

Afai e aoga lou alo i se aoga amata, aoga faataitai po o se kōhanga reo, e ono fesiligia foi aoga nei e uiga i aoaoga ma taumafaiga a lou alo.

Pe ā ma le 45 minute e faia ai le siaki a lou alo e se tausimai. O le avanoa lea e mafai ai ona e talanoa i le tausimai e faatatau i le soifua manuia a lou alo ma e fesili i ai i soo se mea o e popole ai.

O tulaga nei e faailoa atu e le tausimai:

O tulaga i le soifua maloloina ma le tuputupu a‘e a lou alo, nifo, maualuga, mamafa, manuia tau agafesootai ma faalogona, ma tuipuipui.

O tulaga i le soifua maloloina ma le tuputupu a‘e a lou alo, nifo, maualuga, mamafa,
manuia tau agafesootai ma faalogona, ma tuipuipui.

O le ā le isi laasaga pe a uma ona fai le B4 School Check?

I le uma ona faia ai o le siaki, ona avatu lea ia te oe o se kopi o iuga o siaki na fai, ma toe fesili ai i nisi o tulaga i le ola maloloina ma le tuputupu a‘e a lou alo.

Faamolemole aumai le Well Child Tamariki Ora Health Book, e faamauina ai e le
tausimai tulaga o le tuputupu a‘e a lou alo.

Afai o e manatu po o manatu ai foi le tausimai o loo iai se faaletonu i le ola maloloina po o le tuputupu a‘e a lou alo e moomia ona sailiili atili i ai, o tulaga nei e faatalanoa e le tausimai ma ofoina atu le avanoa e vaai ai isi auaunaga e ono maua atu ai se fesoasoani. E mafai foi ona fesoasoani atu le tausimai pe afai e iai tuipuipui a lou alo e lei faia.

E faapefea ona auai la‘u tama i le B4 School Check?

E amatalia le faia o le B4 School Check i le atoa ai o le 4 o tausaga a lou alo. Ma e lava ma totoe ai le taimi e faagasolo ai a o lei amata ona aoga. Faafesootai le vaega o lata ane e te iloa ai isi faamatalaga po o le faatonu o se avanoa e fai ai se siaki.

Mauaina atu o faamatalaga e uiga i le faia fua o le B4 School Check:

• Talanoa i lau fomai faaleaiga po o le tausimai, auaunaga a le Well Child
  Tamariki Ora po o se tausimai a le soifua maloloina lautele
• Tagai i le
• Valaau le auaunaga faalotoifale o lata ane
• Aukilani:
• Fafo atu o Aukilani:

HE2640